ꉢ，ꀋꌋꀕꃅꆧꑭꇸꆹꂯ

ꌋꐓꌙꈈꈇꄮ

ꁦꌺꇈꌺ

ꒊꃀꒈꌺꐯꇯꀀꃅꃹꒉꄮ

ꉢ，ꆧꑭꇸꁧꂯ

ꈍꑋꉖ

ꆧꑭꉣꑊꇬꇉꅇꐚꀖꐮꇰꋺ

ꋋꑌ，ꀂꉌꌤꇨꑴꄷ

ꉡꑌ，ꉢꉌꂅꇨꑴꄷ

ꉢ，ꆧꑭꇸꁧꂯ

ꈍꉗꏢꇬ

ꆧꑭꉣꑊꉂꇁꑟꅇꀉꄂꄜꌊꇁ

ꉠꉂꐪꑌꋌꈨꋺ

ꉠꉂꊿꑌꋌꈨꋺ

ꉠꉂꐪꈍꅼꌠꑌꋌꀉꄂꇫꅉꐚ

ꉢ，ꆧꑭꇸꁧꂯ

ꉠꌒꐨꎭꐪ、ꐒꅍꇿꅍ

ꊾꇰꉆꌠ ꀋꉆꌠ

ꉬꇮꋌꅉꐚꌐ

ꋌꄜꊾꇰꁦꏦ

ꉢ，ꆧꑭꇸꁧꂯ

ꇸꌊꀑꈑꀀ

ꇸꌊꌧꐋꃅ

ꈀꄸꑌꇬꀋꌋ

ꈀꄸꑌꋌꀋꐚ